ගල්කිස්ස ප්‍රදේශයේ පවත්වාගෙන යන ගොඩ්රිච් ලංකා ආයතනය විසින් රසායනික අපද්‍රව්‍ය ස්වභාවික ජල මාර්ගයකට මුදා හැරීමේ සිද්ධියක් සම්බන්ධයෙන් දෙහිවල ගල්කිස්ස මහ නගර සභාව නඩු පවරා ඇත.
ගොඩ්රිච් ලංකා ආයතනය හිසකෙස් වාඑණක (ඩයි), ෂැම්පු වර්ග සහ සපත්තු පොලිෂ් නිෂ්පාදනය කරයි.
ඉතා සූක්ෂම ලෙස මෙම කර්මාන්තශාලාව විසින් සිය අප ජලය පරිසරයට බැහැර කර තිබූ බව දෙහිවල ගල්කිස්ස මහ නගර සභාවේ මහජන සෞඛ්‍ය පරීක්ෂකවරු පවසති. මෙම අප ජලය හේතුවෙන් ජලජ ජීවීන් මිය ගොස් ඇති බව ප්‍රදේශවාසීහු ප්‍රකාශ කරති.
මෙම වර්ණක මදුරු කොයිල් වර්ණ ගැන්වීම සදහා භාවිතා කරන රොඩෝමින් වර්ණකය බව සමාගම විසින් තහවුරු කර ඇත.
