“බුවනෙකබා රාජ සභා මණ්ඩපය” ඉවත් කළ හිටපු නගරාධිපතිට සිර දඩුවම් 

  • By editor
  • December 14, 2023
  • 0
  • 80 Views

කුරුණෑගල හිටපු නගරාධිපති තුෂාර සංජීව විතාරණ ඇතුළු විත්තිකරුවන් 5 දෙනෙකු වරදකරුවන් කරමින් වසර 3ක බරපතළ වැඩසහිත සිරදඬුවම් නියම කර තිබේ.

ඒ, කුරුණෑගල නගර මධ්‍යයේ පිහිටි පුරාවිද්‍යා වටිනාකමක් සහිත “බුවනෙකබා රාජ සභා මණ්ඩපය” සහිත ගොඩනැගිල්ල කඩා ඉවත් කිරීමේ සිද්ධිය සම්බන්ධයෙනි. 

කුරුණෑගල මහාධිකරණය විසින් අද (14) එම තීන්දුව ප්‍රකාශයට පත් කළේය.

කුරුණෑගල හිටපු නගරාධිපති තුෂාර සංජීව විතාරණ සමඟ හිටපු නාගරික කොමසාරිස් ප්‍රදීප් තිලකරත්න , හිටපු නාගරික ඉංජිනේරු චමින්ද බණ්ඩාර අධිකාරි , වැඩ පරීක්ෂක ඉලාලුඩීන් සුල්ෆිකාර් , බැකෝ යන්ත්‍ර ක්‍රියාකරු එස්.පී.ලක්ෂ්මන් ප්‍රියන්ත යන අයට එරෙහිව නීතිපතිවරයා විසින් මහාධිකරණය හමුවේ අධිචෝදනා පත්‍ර ගොනුකර තිබුණි.

Leave a Reply

Your email address will not be published. Required fields are marked *