සෞඛ්‍ය අමාත්‍යාංශයෙන් හොර ඉමියුනොග්ලොබියුලින් සැපයූ සමාගමට, තවත් ඖෂධ ගණනාවක් සැපයීම සදහා ටෙන්ඩරයක් දීලා  – රවී කුමුදේශ් 

  • By editor
  • December 17, 2023
  • 0
  • 201 Views

ප්‍රශ්නගත ඉමිහිනෝ ග්ලොබිලින් සපයන ලද සමාගම විසින් ව්‍යාජ WoR සහතිකයක් ඉදිරිපත් කර  රිටුක්සිමැබ් (Rituximab) පිළිකා එන්නතෙන් මාත්‍රා 2200ක් සපයා ඇති බව මේ වන විට තහවුරු වී ඇති බවත් එම එන්නත රෝගීන් කොපමණ ප්‍රමාණයකට ලබා දී තිබෙන්නේද, ඒ හේතුවෙන් රෝගීන් කොපමණ ප්‍රමාණයකට අහිතකර තත්වයන් ඇතිවූයේද යන්න තවමත් සෞඛ්‍ය අමාත්‍යාංශ්‍යටසොයා ගැනීමට නොහැකිවී ඇති බවත් සෞඛ්‍ය වෘත්තියවේදීන්ගේ විද්වත් සංගමයේ සභාපති රවී කුමුදේශ් මහතා සදහන් කරයි.

කෙසේ නමුත් එම උණුසුම පහව යන්නටත් මත්තෙන්, එම සමාගම විසින්ම තවත් ඖෂධ වර්ග හතරක් සපයා ගැනීම සඳහා සෞඛ්‍ය අමාත්‍යාංශය විසින් ටෙන්ඩර ප්‍රධානය කර තිබෙන බව තවදුරටත් තොරතුරු හෙලිදරව් වී තිබීම මගින් හොර සහ ව්‍යාජ ඖෂධ මගින් සෞඛ්‍ය සේවාවතුල ඇතිකර ඇති ව්‍යාකූල බව හිතනවාටත් වඩා සංකීර්ණ සහ බරපතල අර්බුධයක් බවට පත්ව තිබෙන බව ද හෙතෙම වැඩිදුරටත් සදහන් කරයි.

ලැබී ඇති නවතම තොරතුරු වලට අනූව, එම ඖෂධ හය සඳහාම අදාල චූදිත සමාගම විසින් ව්‍යාජ තොරතුරු සහ ව්‍යාජ සහතික ඉදිරිපත් කර ඇති බවද මේ වන විට තහවුරු වී ඇති බව ද කුමුදේශ් මහතා පැවසීය.

ඒ අනුව සෞඛ්‍ය අමාත්‍යාංශය විසින්, මහ බඩවැල ආශ්‍රිත පිළිකා සඳහා ඖෂධ ප්‍රතිකාරයක් ලෙස දෙනු ලබන Irinotechan hydrochloride Trihydrate (100mg) එන්නත, පියයුරු, පෙනහළු, පොස්ත්‍රේට් ග්‍රන්ථිය හා ආමාශය ආශ්‍රිත පිළිකා ප්‍රතිකාර සඳහා ලබා දෙන Docetaxel (80mg) එන්නත, ඇස සම්බන්ධයෙන් සිදුකරන ශල්‍යකර්ම වලදී ඇසේ දෘෂ්ටි විධානය පැහැදිලිව හඳුනාගැනීම සඳහා භාවිත කරන Fluoresc in Sodium එන්නත සහ රුධිරය කැටි ගැසීමේ ගැටළු තිබෙන රෝගීන්ට ප්‍රතිකාර සඳහා ලබාදෙන Factor VII නැමති ඖෂධ  වර්ග හතරද, අදාල චූදිත සමාගම විසින් ලබා ගැනීම සඳහා සෞඛ්‍ය අමාත්‍යාංශය විසින් ටෙන්ඩර් ප්‍රධානය කර ඇති බව ද ඔහු හෙළිදරව් කළේය.

එම ඖෂධ සැපයීම සාඳහාද සපයා ඇති තොරතුරු සහ සහතික විශාල ප්‍රමාණයක් ව්‍යාජ ඒවා බව තහවුරු කරගෙන තිබෙන බැවින්, සෞඛ්‍ය අමාත්‍යාංශය විසින් කිසිදු ගැටළුවකින් තොරව, මෙම ටෙන්ඩර ප්‍රධානය කර තිබීම, සමාන්‍ය තත්වයක් ලෙස කිසිසේතම බැහැර කල නොහැකි බව ද රවී කුමුදේශ් මහතා පෙන්වා දුන්නේය.

මෙම ඖෂධ ටෙන්ඩර අදාළ ප්‍රශ්නගත සමාගමට ලබා දෙනු ලැබුවද, සෞඛ්‍ය අමාත්‍යාංශය සමග සිදු කෙරුණු මිල අඩු කිරීමේ එකඟතාවයන්ගෙන් පසු සමාගම විසින් අදාළ ඖෂධ සැපයීම ප්‍රමාද කිරීම හේතුවෙන් එම ඖෂධ මෙතෙක් රෝගීන්ට ලබා දීමක් සිදුව නොමැති බව සෞඛ්‍ය අමාත්‍යාංශ අභ්‍යන්තර තොරතුරු මගින් අනාවරණය වන බව ද ඔහු පැවසීය.

ඊට අමතරව, කටුනායක ඉදිකර තිබෙන ISOLEZ BIOTECH PHARMA AG LTD වෙත ඕනෑම කොන්දේසියක් යටතේ GMP සහතිකය (අවසාන වශයෙන් විෂබීජහරණය කරන ලද: නිෂ්පාදන සඳහා) නිකුත් කරණ ලෙසත් තවත් ඖෂධ හතරක් දේශීයව නිශ්පාදනය කිරීම අවශ්‍ය පහසුකම් සලසන ලෙසත් නියෝග කරමින් සෞඛ්‍ය ලේකම්වරයා විසින්, ඖෂධ නියාමන අධිකාරියේ  ප්‍රධාන විධායක නිලධාරියා වෙත යොමු කර ඇති ලිපියක්ද සෞඛ්‍ය වෘත්තීයවේදීන්ගේ විද්වත් සංගමය වෙත ලැබී අතර, එම ලිපියේ මෙසේද සඳහන් වේ.

“Isolez Biotech pharma AG Ltd විසින් පසුගිය GMP පරීක්‍ෂණ වාර්තාවේ අඩුපාඩු සම්පූර්ණ කර CAPA ඉදිරිපත් කර ඇත. එම නිසා, අංක 03 අත්හදා බැලීමේ කාණ්ඩයේ නිෂ්පාදන වන Salbutamol IV, Lidocaine IV, Tramadol IV යන ඖෂධ නිශ්පාදනය සඳහා ආරම්භක අදියරේදී GMP බලපත්‍ර සහ නිෂ්පාදන අනුමැතිය නිසි කොන්දේසි යටතේ නිකුත් කිරීමට නිර්දේශ කරමි” ජාතික අවශ්‍යතාවයක් ලෙස සලකා එම සමාගම, NMRA අනුමැතිය ලබා දීමට කටයුතු කරන ලෙසද දන්වමි

Leave a Reply

Your email address will not be published. Required fields are marked *